RAL-ip assartuinermi ajornartorsiutai aaqqikkiartulerunarput
Hotel Hvide Falkip, Ilulissaniittup viinnii qerisutut nassiunneqarsimapput, ukiullu ingerlanerani ulapaarfiunerpaasumi isertitassaagaluanik annaasaqaataaffiulluni.
- Assersuutigiinnarsinnaavara aasaq naallugu takornariaqarnitta nalaani viinnissagut tamaasa qerisutut nassiussimagamikkit, taava viinnissaqarnata, Hotel Hvide Falkimik piginnittoq Tuuta Knudsen taama oqarpoq.
AAMMA ATUARUK Hotel fik sendt frossen vin
Pisiffik eqqorneqartunut aamma ilaavoq:
- Malugisimavarput, ilaatigut containerit illoqarfinnut kukkusunut assartorneqarneri, ilaatigullu containerit tammartut, periarfeerunneqartut, kingusinnerusukkullu nassaarineqarlutik, Niels Erik Petersen, Pisiffimmut nioqqutissarsiniartartoq, aasaq manna oqarpoq, RAL-imilu ajornartorsiutit pissutaallutik Pisiffik nioqqutissanik eqqaasariaqartartoq oqaatigalugu.
Pilersuisoq A/S aamma eqqorneqarnerluppoq, Pilersuisummi pisiniarfiisa pilersorneqarnissaannut kinguneqarlummat.
- Umiarsuarnik ukioreernerani aallartitsinitta nalaani taama pisoqarpoq, nioqqutissallu kingusinaarnatik apuunneqannginnerat, qaqugulu apuunneqassanersut pillugu nalornissuteqarnerput ajornartorsiortitsipput, KNI-p nioqqutissanik piniartarnermut logistikkimullu pisortaa Kurt Lauritsen oqarpoq.
Peqqinnissaqarfik aamma eqqorneqarpoq. Royal Arctic Linemmi kinguaattoornera pissutaalluni Peqqinnissaqarfiup Nakorsaataasivia imaarukkiartuinnavippoq, nakorsallu aaqqiissutissanik allanik nassaartariaqarsimallutik.
Kisitsisit RAL-ip pitsaassutsimik uuttortaaneraneersut kingulliit, aggustip ulluisa arfineq-aappaanni saqqummiunneqartut naapertorlugit containeri ataaseq usineqartussaanngitsoq Nuumut usineqarsimavoq.
Royal Arctic Lines administrerende direktør Verner Hammeken oplyser over for KNR, at selskabet vil komme med en status omkring situationen i slutningen af denne måned.
Ifølge Royal Arctic Lines seneste kvalitetsmåling, der er fra den 7.august, kan det ses, at en container var blevet lastet forkert i løbet af den forgangne uge.