RAL-ip Aalborgimi sulisuisa suliumajunnaarnertik attatiinnaraat
Aalborgimi 3F-ip ataani Assartuussinermut immikkoortortaqarfimmi siulittaasup tullia, Ole Nord Nielsen, KNR-imut taama ilisimatitsivoq.
RAL-ip Aarhusimut nuunnissamik aalajangersimanera sulisut naammaginngilaat. Pingaartumillu taamatut pisoqartussanngornerata tusagassiutitigut nalunaarutigineqarnera RAL-ip sulisuisa kamassutigaat.
AAMMA ATUARUK Aalborg Havnip RAL pakatsissutigigaa
Ole Nors Nielsen naapertorlugu, RAL-ip pisortaanera Verner Hammeken Aalborgimi immikkoortortaqarfimmut, Danmarkimi nalunaaqutaq malillugu, ualeq manna pulaartussaavoq.
Qaqugu nuuttoqarnissaanik, tassungalu atatillugu atorfeqarnermikkut qanoq periarfissaqarnerminnik paasitinneqarnissartik sulisut naatsorsuutigaat.
Sulisut sulinertik aallarteqqissanerlugu aqagu tallimanngornermi ataatsimiissutigissavaat. Suliumajunnaarnerat 3F-ip ataani sulisunut isumaqatigiissummik unioqqutitsineruvoq.
AAMMA ATUARUK RALimi sulisut pakatsipput
