Qummoroortartunik tillittutut pasisat tigusaasut

Qummoroortartut tillitat tonsi sinnerlugu oqimaassusillit nassaarineqarnerisa kingorna Nuummi politiit pasineqartunik arlalinnik tigusarisaqarsimapput.
Allattoq Karsten Sommer
decembarip 30-at 2016 11:35

- Uppernarsarsinnaavara inunnik arlalinnik tigusaqaratta, politiini pigaartuuneq Brian Thomsen KNR-imut oqarpoq. 

Tigusarineqarsimasulli pillugit annerusumik oqaaseqarsinnaanngikkallarpoq.

Nuup ilaani Nuussuarmi najugaqarfimmi Nuniaffimmi qummoroortartut 700 kilot quimi toqqorneqarsimasut ippassaq sisamanngornermi unnukkut nassaarineqarput. Sinnerili 800 kiluusut nassaarineqanngillat. 

Nassaarineqassappatalu innuttaasut ikiuunnissaat pisariaqartoq Brian Thomsen oqarpoq.

- Marlunngormat pingasunngormallu pasinarsinnaasunik takunnissimasut politinut 70 14 48-mut sianeqquagut, Nuummi Politiini pigaartuuneq Brian Thomsen kaammattuivoq.

AAMMA ATUARUK Qummoroortartut 700 kiilut Nuussuarmi quimi nassaarineqarput

 

AAMMA ATUARUK Qummoroortartut tillitat kukkusunik tigummineqarneri navianarsinnaasoq

 

AAMMA ATUARUK Qummoroortartut 600.000 koruunitut naleqartut unnuaq tillinneqartut

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq