Atuakkiortoq Qullissat pinngorfigigakku eqqaamajuaannarpara
- Pinngorfigigakku soorunami eqqaamajuaannarpara, qullissarmiu Hans Anthon Lynge oqarpoq.
1970-imi atuakkiaqqaatini saqqummersippaa kingornalu taalliai, oqaluttualia arlallit saqqummerlutik. Filmi "Qaamarngup uummataa" immiunneqartussanngormat Hans Anthon Lyngep najoqqutassiaq suliaraa.
AAMMA ATUARUK Atuakkiortoq: Tapiisinnaanissaq pisariaqarpoq
Peroriartorfini inuerummalli ataasiaannavilluni tikippaa, tassani Qaamarngup Uummataata immiunneqarnerani 1997-imi ikiuukkiartorsimalluni. Tikitaminullu aliannaarsimaqaaq.
- Illut inoqanngitsut qimerloorlugit takorloorpakka, soorlu uani illoqaraluarput Laavakkut, uani Kattariinakkut uani stefferujukkut, uani allat qullissarmiorpassuit nalunngisakka.
Illoqarfigisimasamilu qimanneranit ukiorpassuanngoreeraluartut suli angerlarserfigisarpaa.
AAMMA ATUARUK Asiaq Qullissat pillugit toqqortaatinik saqqummiussivoq
- Qullissani meeraaninninngaanniik assinik assigiinngitsunik peqarama, tamakku qimerloorlugit nuannarisarpakka. Soorluli ilaatigut inuttut angerlarfissaaruttutut misigisimanermut taakkua iluaqutigalugit qaangiallanneqarsinnaasoq, Hans Anthon Lynge oqarpoq.
AAMMA ATUARUK Makka Kleist: Qullissat nunatta oqaluttuarisaaneranut pingaaruteqartorujussuuvoq
Qullissat inuerutsinneqarneranit ukiut 15-it qaangiunneri, tassa 1987-imi, malunnartinniarlugu aasarsiuaaqatigiinneq siulleq aaqqissuunneqarpoq. Maannalu ukiut 30-t qaangiussimalerput, ukioq mannalu - Qullissanit umiarsuup kingulliup aallarneranit ukiut 45-t qaangiunneri malunnartinniarlugu aaqqissuisoqarpoq, soorlu puiseqqaanniuunnerit, igaasarnerit, naalagiaqatigiinnerit arsaannerillu peqataaffigineqarsinnaajumaartut.
AAMMA ATUARUK Radiomi tusarnaaruk: Qullissat matuneraniit ukiut 40-t qaangiupput
Naapeqatigiinnissaq juulip qulingiluaanit 14-at ilanngullugu ingerlanneqassaaq.