Qulimiguullit unammisut
Qulimiguullit danskit illersornissamut qullersaqarfianit pisiarineqartussat isumaqatiginniutigineqarmata, qulimiguullit umiarsuarnut missinnaasut toqqarneqarnissaat isumaqatiginniartut orniginartinnerugaat, Aviisi Berlingske Tidende taamatut allaaserisaqarpoq.
Illersornissamut pisortatut tunuartup Knud Bartelip innersuussutai, politikerinit tusaaniarneqarput, tassalu illersornissamut suliassat ilaatigut issittumi sakkutuut suliaat qulimiguullit suliarisinnaasariaqaraat inassutigineqarmat.
Qulimiguullit atorneqalerumaartussat marluk taaguuteqarput Wildcat. Taakku tuluit italiamiullu tunisassiaannit Agusta Wesllandimit pisuuvoq. Aappaa Romeomik taaguuteqarpoq, taanna amerikamiut sanaartortitsivianit Sikorskymit sanaajulluni.
Qulimiguullit sorliit atorneqalernissaanik aalajangerneq ukiup matuma ingerlanerani qulakkeerlugu aalajangiiffigineqassaq. Qulimiguullit atorneqalertussat siulliit 2015-mi tunniunneqassapput. Tamatuma kingorna qulimiguullit illersornissamut atorneqartut Lynx-it atorunnaariartussallutik.