Nikolaj Jeremiassen aamma Vittus Qujaukitsoq Kangaatsiap katersortarfiani unnugu innuttaasunik ataatsimiititsissapput.Assi: Filemomsen Ane Grethe

Qujaukitsoq Jeremiassenilu innuttaasunik ataatsimiititsilersut

Aalisarnermut, piniarnermut nunalerinermullu naalakkersuisoq Nikolaj Jeremiassen aamma inuussutissarsiornermut, sulisoqarnermut, niuernermut nunanullu allanut naalakkersuisoq Vittus Qujaukitsoq, Qeqertarsuup tunuani nunaqarfinni arlalinni innuttaasunik ataatsimiititsissapput.

Nikolaj Jeremiassen aamma Vittus Qujaukitsoq Qeqertarsuup tunuani maannakkorpiaq angalapput, tassungalu atatillugu nunaqarfinni assigiinngitsuni innuttaasunik ataatsimiititsissapput.

Innuttaasut qinikkanut apeqquteqarsinnaallutillu oqalliseqataasinnaassapput, aamma Inuussutissarsiornermut, Sulisoqarnermut, Niuernermut Nunanullu Allanut Naalakkersuisoq Vittus Qujaukitsoq suliffissaaleqineq nunaqarfinnilu inuussutissarsiutinik siuarsaanermut suliniutit oqaluttuarissavai, Namminersorlutik Oqartussat taama ilisimatitsipput.

Sumi qassinullu

Unnugu, septembarip qulingiluaani, Niaqornaarsummi katersortarfimmi nal. 14.00-16.00 innuttaasunik ataatsimiititsisoqassaaq, unnugulu 18.00-20.00 Kangaatsiap katersortarfiani ataatsimiititsisoqassalluni.

Aqagu arfininngornermi septembarip qulingani, politikerit Iginniarfimmut Ikerasaarsummullu tikissapput.

Iginniarfiup atuarfiani nal. 12.00-14.00 ataatsimiititsisoqassaaq, ualikkullu nal. 17.00-19.00 Ikerasaarsummi katersortarfimmi ataatsimiititsisoqarluni.

Innuttaasunik ataatsimiititsinerit kingullersaat Attumi katersortarfimmi sapaatiuppat septembarip aqqarngani nal.  13.00-15.00 ingerlanneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat