Akerliusut: Qinnuuloortunngortippaatigut
Nunatsinni aalajangigassanik annertuunik aalajangiiffiusartup Hans Egedep silataani ataatsinngornermi akerliussutsimik takutitsisoqarmat taama nipeqarpoq.
Naalakkersuisut siulittaasuata Kim Kielsenip danmarkillu ministeriunerata Lars Løkke Rasmussenip Nuummi Ilulissanilu mittarfissualiornissamut anigaasaliinissaq pillugu isumaqatigiissut atsioqatigiinnerannut akerliullutik inuit 100 tikillugit takkupput. taakku oqariartuutaasa ilaat ima nipeqarpoq:
AAMMA ATUARUK Løkke Nuummi Ilulissanilu mittarfinnik piginneqataarusuttoq
Qinnuuloortutut inissinneqarpugut
Akerliussutsimik takutitsisut ilaata, Markus E. Olsenip naalagaaffiup mittarfissualiornissamut aningaasaleeqataanisssaanik isumaqatigiissummut akerliunini ima oqaasertalerpaa:
- Sooq uagut misigititaajuaannassaagut akiitsoqartutut, qinnuloortussatut taamaattoqarsinnaanngilaq. Uagut qinnuloortuunngilagut, uagut nunarpununa niuerutigineqartoq uagut qinnuloortussiarut isigineqarluta, taanna uanga akuerisinnaanngilara.
Markus E. Olsen taama oqarpoq.
AAMMA ATUARUK Danmarkip aningaasaliissuteqarneranut piumasaqaatit isumaqatigiinniutigileraat
Mittarfiit pilersinneqassanngillat
Akerliussutsimik takutitseqataasut ilagaat inatsisartunut ilaasortaq partii naleqqameersoq Emaule Nuko. Taanna isumaqarpoq nunatsinni mittarfissuartaartariaqanngitsugut danskit anigaasaleeqataaffigisaannit.
- Mittarfissuit taakku uagut akerliuffigisorujussuuarput partii naleqqaminngaaniit, nunatta inui eqqarsaatigalugit. Nunatta siuariartornissaanut nunarput kalaallinit pigineqarnissaanut tamanna uagut tapersersorparput, Emanuel Nuko taama oqarpoq.
AAMMA ATUARUK Aningaasaqarnermut ataatsimiititaliap Kim Kielsen ataqqinninngineraraa
Akerliussut ataqqinnissuseqanngillat
Partii Naleqqap akerliussutsimik takutitsinera Demokraatinit isorineqarpoq.
Demokraatini siulittaasoq Niels Thomsen isumaqarpoq kusanaatsumik nikanarsaasumillu nipeqarlutik akerliussutsimik takutitsineq naleqqutinngitsoq - Nunattalu avataaniit isigineqarneranut innarliinerusoq.
