Qinersinermut inatsit nutartilerpaat

Kommunalbestyrelse-nut qinersinermut inatsisip allannguutissaannik arlaqartunik Naalakkersuisut siunnersuuteqarput.

Qallunaatut imaluunniit nunani avannarlerni innuttaassuseqartut qinersisinnaatitaanissaannut aalajangersakkat nalinginnaasut sukaterneqarnissaat siunnersuuteqarnermi siunertaavoq.

Qallunaatut innutaassuseqanngitsut kommunalbestyrelse-mi qinersinermi qinersisinnaassanngillat qinigassanngortissinnaassanatillu.

Qinersisinnaanermut qinigassanngortissinnaanermullu piumasaaqatit sukaterneqarnissaannut siunnersuuteqartuuvoq, Siumut sinnerlugu inatsisartuni ilaasortaq Malik Berthelsen, siunnersuullu taanna 2010-mi upernaakkut saqqummiuteqqaarpaa.

Kommunalbestyrelseni qinersinerni qinerseqataasinnaanermut piumasaqaatit allannguutillu sukaterneqarnerigisut qulakkeerneqartussat tassaapput, nunanit allanit suliartortunik amerlasuunik nuuttoqarneratigut sumiiffinni innuttaasut ikinnerussuteqalinnginnissaat qulakkerneqassammat. Assersuutigalugu aatsitassarsiornermut atatillugu avataanit tikittussat pineqarlutik aamma  Nuup eqqaani saviminissamik piiaaffeqalissappat imaluunniit  Maniitsup eqqaani alumiiniumik aatsitsiviliortoqassappat aamma  nunatta avannaani uuliasiornermik suliaqartoqarnerani,  nunanit allaneersunit tikittoqarpat.

Kommune-mut qinersinermi inatsisip nutarterneqarnissaannut siunnersuummi ilaavoq,  
Kommunalbestyrelsinut qinersinerni nunami sumiiffimmi sinniisuutitaqarnikkut
aaqqissuussinerup ingerlateqqinneqarnissaa.

Taama aaqqiineq kommuunit kattuussuunneqarneranni atuukkallartussatut eqqarsaatigineqaraluarpoq.

Inatsisartut kommunalbestyrelse-mut qinersinermi allannguutissatut sukaterneqarnissaannullu siunnersuutip tusarniaassutigineqarnera februaarip 27-annut killilerneqarpoq. Kisianni qaqugu inatsisartuni siunnersuutitut saqqummiunneqarnissaa nalunaarutigineqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat