Qinersineq sioqqullugu ukiaanerani katersorneq kingulleq
![](/sites/default/files/styles/image_934x467/public/article_images/inatsisartut_sal_630_1.jpg?itok=OcZ0qjsT)
Inatsisartrut naalagiareerlutik ataatsimiittarfimmiilerpata, Naalakkersuisut siulittaasuat Kuupik Kleist aamma ileqqut malillugit ammaanermi oqalugiassaaq, Nunatta maannakkorpiaq inissisimaneranik nassuiaataasumik. Ammaanermi oqalugiaat sapaatit akunnerata tulliani ammaanermi oqallinermut aallaaviussaaq.
Inatsisartunut ilaasortat aalajangigassatut siunnersuutaat 57-it Naalakkersuisullu inatsisissatut pequssutissatullu siunersuutaat 29-it Ukiakkut Ataatsimiinermi suliarineqassapput. Naalakkersuisut siunnersuutaannit tallimat aatsitassanut suliffeqarsfissuassatullu pilesaarutinut tunngasuupput.
Inatsisartut ukiakkut ataatsimiinnerminni, novembarip 27-ata tungaanut pisussasut naatsorsuutigineqartumi, immikkortut 104-it suliarissavaat.
Inatsisartunut ilaasortat aalajangigassatut siunnersuutaat 57-it Naalakkersuisullu inatsisissatut peqqussutissatullu siunersuutaat 29-it suliassaapput. Taava imikkoortut 18-it atatasimiinnerni siusinnerusuniit kinguartitaasut imaluunniit siullermeerlugit suliarineqarsimasut aamma suliassaapput.
Aatsitassanut Naalakkersuisoq, Ove Karl Berhelsen, sisamanik siunnersuuteqarpoq.
Siulleq tassaavoq Suliassani angisoorsuarni illuliortiterneq sanaartornerlu pillugit Inatsisartut inatsissaatttut siunnersuut.
Tassa angisoorsuarni Alcoatut ittuni sulisuujumaartut nunani allamiut akissarsiassaasa minnerpaaffissaat qanoq amerlassuseqassasut aalajangissallugu, Naalakkersuisut periarfissaqassasut siunnersuutip imaraa.
Naalakkersuisut oqarput, sulisartut illersorniaritik. Illuatigulli oqarsinaanatik, taakkorpiaat akissarsiakitsitaassanngitsut.
Aamma aatsitassanut aningaasaateqarfip pillugu inatsisip allanngorneqarnissaanik siunnersuuteqarpoq. Taassuma oqaasertaasa aatsitassanut inatsimmi allassimasut oqaatigineqartut assigilissavai. Tassami Nunatta pisuussutaanit isertitaqajumaartut siulliit 75 millionit koruunit Nunatta tigumiaannassavai, 5 millionit koruuninik siullermik allaqqagaluartutut pinnani.
Aamma Aatsitassat pillugit ingerlatallu tamatumunnga pingaarutillit pillugit Inatsisartut inatsisaata allannguuteqartinneqarnissaanik siunnersuummik, aluminiuliorfissarlu pillugu siunissami isumaqatiginninniarnerni atugassarititaasussanut killissaliussat pillugit aalajangiiffigisassattut siunnersuut Ove Karl Berthelsenip suliassangortissavai.
Namminersorlutik Oqartussat suliffeqarfiutaat, ajutoortoqarnerani uuliasiortut qillerivissuanni uuliamik mingutsitsisoqalissagaluarpat saliisussatut piareersimasussaq, Greenland Oil Spill Response A/S pillugu inatsisip allanngutissaanik, Naalakkersuisut siulittaasuat, Kuupik Kleist, siunnersuuteqarpoq.
Suliassanut angisoorsuarnut aatsitassanullu tunngasunik inatsisartuniit aamma siunnersuuteqarpoq.
Siumup Inatsiartuni gruppia tamarmi siunnersuuteqarpoq, Nunatsinni aatsitassap piiarneqarsinnaatitaasup suulluunniit uranimik akuata 0,1 % -mut qaffasinnerpaaffilerneqalernissaa Naalakkersuisut piaarnerpaamik sulissutigissagaat.
Aalisarnermut politikki qiviarutsigu, aalisarnermut naalakkersuisoq Ane Hansen, assersuutigalugu siunnersuuteqarpoq, avataasiorlutik aalisartut qaleralinnik tunisassiarineqanngitsunik nunatsinniit aallarussigaagamik, kilomut 2,50 koruuninik Nunatta karsianut akiliisassasut.
Ulumikkulli ulloq ukiakkut ataatsimiinnissap ammarneqarneranut, taavalu Siulittaasoqarfimmi ilasortassanik aammalu ataatsimititaliani, aalajangiisartuni siunnersuisoqatigiinnilu ilaasortassanik qinersinernut pingaarnermik atorneqassaaq
Ataatsimiinneq nalunaaqutaq aqqanermut aallartittussaaq, KNR-Radiomi TV-milu toqqaannartumik aallakaatinneqassaaq.
Ammaanermi Oqalugiaaat marlunngorpat septembarip 25-ani oqallisigineqassaaq.