Qimaasut Rafah-p eqqaani tupeqarfianni inuit 21-t toqutaasimasutut nalunaarutigineqartut
Qimaasut Gazap kujasissuani illoqarfimmi Rafahmi tupeqarfiat israelimiut marlunngornermi saassusineranni eqqorneqarmat, qimaasut 21-it toqutaasut nalunaarutigineqarpoq.
Palæstiinamiut qimaasut tupeqarfiat Rafahip kippasissuaniittoq sorsuttoqarnera pillugu qimaaffissiatut ikiuniaqatigiiffiillu sulinerannut atorneqarpoq.
Ikiuniaqatigiiffiit suliaqarfigisaannut Rafahip kippasissuaniittumut silaannakkut saassssisimanatik, israelimiut sakkutuui oqarput.
Rafah-p eqqaani qimaasut tupeqarfii israelimiunit sapaatiummat qaartartumeeriffigineqarmata, palæstiinamiut 45-nit ikinnerunngitsut toqutaapput.
Israelimiut qaartartumeerillutik saassussinerminni kukkusimallutik nassuerutigaat.
Israelimiut nammineq oqarnerat naapertorlugu Hamasikkut Israelimut siorna oktoberimili saassussisuusut piuneerutsinniarlugit Rafahmut sapaatit akunnerini kingullerni pingasuni saassussissaqattaarput.
