Tusarfiit: Israel Rafahmik saassussereersorlu FN-ip isumannaallisaaniaqatigiivini ilaasortat ataatsimiikkasuassapput

Israel Gazap kujasissuani illoqarfimmik Rafahmik sakkortuumik saassussereersorlu Naalagaaffiit Peqatigiit Isumannaallisaaniaqatigiivini ilaasortat ataatsimiikkasuartinneqarnissamut aggersarneqarput.

Atorfilittat atiminnik tunniusserusunngitsut taama ilisimatitsisut, nutaarsiassaqartitsivik AFP allappoq.

Isumannaallisaaniaqatigiit matoqqasumik ullumi marlunngornermi ataatsimiissapput.

Isumannaallisaaniat ataatsimiinnermi eqqartugassaannut paasissutissat sukumiinerusumik saqqummiunneqanngilllat.

Naalagaaffiit Peqatigiit Isumannaallisaaniaqatigiivisa ataatsimiinnissaat Algeriap, Isumannaallisaaniaqatigiinni ataavartumik ilaasortaanngitsup, kissaatigisimavaa.

Israelip Gazami illoqarfimmik Rafahmik sapaatiummat saassussinera pillugu ataatsimiittoqartariaqartoq, Algeria isumaqarpoq.

Rafah Israelimit saassunneqarmat, illullu kingorna ikuallalermata palæstiinamiut 45-t toqutaasut, Gazamik aqutsisut Hamasimeersut oqaatigaat.

Qimaasut toqqi ikuallalermata tassani ajunaartoqarpoq.

Israelimi illersornissaqarfiup unnerluussisussaatitaanera Rafahmik saassussineq nammineq misissuiffigilerpaa.

Sakkutuujunngitsut saassussinermi toqutaanerat Israelip ministeriunerata Benjamin Netanyahup saassussineq kukkunertut alianartutut ippassaq taavaa.

Naalagaafffiit Peqatigiit qullersaata António Guterresip Rafahmik saassussineq assuarnartutut ippassaq ataasinngornermi unnukkut taavaa.