Algeriamiu 33-nik ukiulik juutit naalaffiannut saassussisimasutut pasisaq peqqarniisaarniarsimasutut unnerluutigineqartoq
![](/sites/default/files/styles/image_934x467/public/2024-08/20240824-175144-L-1920x1280we.jpg?itok=CJL4oN2D)
Angutit pingasut Frankrigip kujasissuani illoqarfiit ilaanni La Grande Mottemi juutit naalaffiannut arfininngormat saassussisimasutut, Franskit pinerliiniarnermi unnerluussisussaatitaasunit PNAT-nit sassartinneqarput.
Angut Algeriameersoq 33-nik ukiulik akuerisaasumik Frankrigimiissinnaatitaasoq pingaarnertut pasisaavoq, PNAT-ikkut paasissutissaat naapertorlugit toqutseriarsimasutut pasisaalluni.
Upperisarsiornikkut pinerliiniarnermut tunngassuteqarnera peqqutaalluni, unnerluussut sukannerpaluttumik ingerlanneqarpoq.
Naalaffiup arfininngormat ikuallannginnerani upalungaarsimanikkut videoliorutit atorlugit, angut kiinnani assersimallugu palæstinamiut erfalasuata ilisarnaataanik atisalersorluni ikuallalersitsisoq takuneqarpoq.
Pinerluuteqartup oqaluffik pisulluni qimakkaa kingorna illoqarfik Nimes kilometerit 50-it missaannik avasitsigisumi tigusaaneranik paasissutissiipput.