New Zealandimi nunap inoqqaavisa kunngiat 69-inik ukioqarluni toqusoq
New Zealandimi nunap inoqqaavisa maorit kunngiat Kingii Tuheitias pingajuat, 69-nik ukioqarluni unnuaq toqummat, kunngimik nutaamik qinersissapput.
Kunngi uummammigut pilatsissimalluni napparsimmavimmi innangatitaasimavoq.
Kunngi nutaaq maorit akornanni oqartussaasunit qinerneqartarpoq, taamaalillutillu nunat inoqqavisa nunagisaat illersorniarlugu ataatsimoorutigisarlugu.
New Zealandimi pisortatigoortumik oqartussaassuseqanngilaq ileqqullu malinnerullugit atuuttuuffeqarluni.
New Zealandip ministeriunerata Christopher Luxonip kunngimik annaasaqarnertik aliasuutigaa.
Ilisinermi ileqqut malillugit ilisineq ulluni tallimani ingerlanneqassaaq.
Kiingi Tuheitia ukiut 18-it matuma siorna niaqoruserneqarpoq, arnilu ukiuni qulikkaani sisamani kunngiusimasoq kingoraarlugu.
Kunngeqarfiup oqartussaqarfianni kunngimik nutaamik qinersineq pissaaq, tassaallutik maorit nunap inoqqaavinik illersuinermik suliniuteqartut.
New Zealandip ministeriunera Christopher Luxon misiginneqataanini oqaatigaa.
