Qeqqata Kommuniani Siumukkormiut ataasinngorpat ataatsimiissapput
![](/sites/default/files/styles/image_934x467/public/article_images/hermannberthelsen_3.jpg?itok=pWmmlJIb)
-Siumumi ataasinngorpat ualikkut ataatsimiissaagut. Annerusumik maannakkorpiaq oqaaseqarsinnaanngilanga. Inissitsitinnginnitsinni suli qulakkiigassaqarpugut, Hermann Berthelsen oqarpoq nangilluni:
-Inuit ilaat Arctic Circle Racemik aaqqissueqataapput ataasiakkaallu Inatsisartunut ataatsimiigiartussaallutik. Tamakku isumagineqareerpata aatsaat kommunalbestyrelsimi sulinerput nangeqqissavarput, Qeqqata Kommuniani borgmesteriugallartoq oqarpoq.
Eqqaasitsissutigaa Qeqqata Kommuniani kommunalbestyrelsip inissitsiteriffiunnginnerani ilaasortanngortut qinigaasinnaanerat qinigaasinnaanermut ataatsimiititaliamit naliliiffigineqaqqaassammat.
-Inatsisartut inissitsiteqqaassapput. Tamannalu aqagu tallimanngornermi apriilip tallimaani pissaaq. Taava Qinigaasinnaanermut ataatsimiititaliamut ilaasortassanik toqqaasoqassaaq, toqqarneqartullu suliassartik tassani aatsaat aallartissavaat. Tamanna nunatsinni kommuninut tamanut atuuppoq, Hermann Berthelsen Siumumeersoq oqarpoq.