Politikki Avatangiisit Kulturi

Qeqqata Kommunia kulturikkut kingornussassanngortitserusuppoq

Qeqqata Kommunia nunarsuarmioqatigiinnut kulturikkut kingornussassanngortitsinissamik siunnersuusiornissamut Danmarkimi aningaasaateqarfimmit Aage V. Jensen Charity Foundationimit 1,8 millionit koruuninik aningaasaliiffigineqaqqammerpoq.
Assi © : Qeqqata Kommunia
Allattoq Inge S. Rasmussen
juulip 17-at 2015 14:10
Nutserisoq Simon Uldum -

Suliniut taaguuteqarpoq "Aasivissuit - Maliaq - Nipisat: Ukiut 4.500-t ingerlanerini issittumi najugaqarneq, piniarneq kulturillu naapittarnerat", ukiullu 4500-it ingerlanerini sumiiffiup inunnit atorneqarsimanera immikkut sammineqarluni, Qeqqata Kommuniani borgmesteri Hermann Berthelsen, kunngikkormiut sumiiffimmut unnugu alakkaterinissaat sioqqullugu tusagassiorfinnut nalunaaruteqarluni taama allappoq.

Kommunip Nunatsinnilu takornariaqarnikkut ineriartornermut suliniut pingaaruteqartuusoq borgmesterip oqaatigaa.

UNESCO-mut qinnuteqaat septembarimi aappaagu tunniunneqarnissaa siunertaavoq. Neriuutigineqarporlu 2018-imi Qeqqata Kommunia nunarsuarmioqatigiinnut kulturikkut kingornussassanngortitsisinnaassasoq.

- Neriuppunga 2018-ip aallartinnerani Qeqqata Kommuniani UNESCO nunarsuarmioqatigiinnut kulturikkut kingornussassanngortitsisimanerput nalliuttorsiutigisinnaassallutigu, Hermann Berthelsen taama oqarpoq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk

Politikki

Naalakkersuisut: Kujataani takornarialerisut ikiorneqaliivipput

Politikki

Múte B. Egede Gaza pillugu: Eqqissisoqarnissaa oqaatigisassavarput

Kulturi

Kalaallit filmiliaat Canadami Oscarinnappoq