Qaqqasiortartup maqaasineqartup timaa Perumi ukiut 22-t ingerlareersut nassaarineqartoq

Amerikamioq qaqqasiortartoq ukiut 22-it matuma siorna Perumi tammartup timaa allanngungaarsimanngitsoq nassarineqarpoq.

Perumi politiit tamana paasissutissiissutigaat.

Silap pissusaata allanngoriartornera ilutigalugu kiannerulerpoq sumiiffimmlu tassani siku annertooq aassimalluni.

Amerikamiullu tammartup timaa takuneqarsinnaalerluni.

Amerikamiu William Stampfl 2002-mi juunip qaammataani tammaaneqartutut nalunaarutigineqarpoq.

William Stampfl taamanikkut 59-mik ukioqarluni Perup qaqqqaanut apisimasumut majuarniarlugu aallarppoq.

Qaqqaq majuarfigisaa taaguuteqarpoq, Huascarán Perup avannarpasinnerusortaaniittoq, taanna Perumi qaqqat portunersaraat.

William Stamplip majuarnerani aput sisoorpoq apummillu matoorusssaalluni.

Arlaleriarluni ujaasisoqarlunilu annaassiniartoqaraluartoq William nassaarineqanngilaq, ukiullu 22-it qaangiummata aatsaat nassaarineqarluni.

Taanna nassaarineqarpoq qaqqami Cordillera Blanceimut Andesit qaqqaasa ilaanni.

Politiit oqarnerat naapertorlugu William Stampflip timaa atisai kamippaalu allanngungaarsimanngillat, nassarineqarfiani nillermat.

Amerikamiup taassuma passia pigisaalu aamma nassaarineqarput

Taakkualu iluaqutigalugit politiinit kinaassussersineqarsinnaalluni.

Qaqqat Peru avannamut kangisinnerusortaanniittut ukioq naallugu aputeqartarput. Qaqqat Huascarán aamma Cashan qaqqasiortartunit nunarsuarmit tamaneersunit ornigarneqarluartarput.

Israelimiup qaqqasiortartup timaa maajip qaammataani tassani nassaarineqarpoq.

Tammaaneqarneranit qaammat ataseq qaangiummat nassaarineqarluni.

Italimioq qaqqasiullammattut ilisimaneqartoq juunimi toqusimasoq nassaarineqarpoq. Qaqqap qaqiniarnerani taanna nakkarsimavoq