Qaqortumit avannamut pinngortitami nuna ikuallattoq
Qaqortup eqqaani pinngortitami nuna ikuallattoq tallimanngornermi nalunaarutigineqarpoq.
Kalaallit Nunaanni Politiit taama ilisimatitsipput.
Qatserisartut ikuallanneq qamisaleruttorpaat, ikuallannera 1,5 kilometerit missaannik annertutigisumiippoq, qnaorpiarli annertutiginersoq sukumiisumik oqaatigineqarsinnaanngikkallarluni.
- Qatserisartut pingasut qatserutinik atortulerlutik qulimiguulimmik angallanneqarput, ikuallanneratalu qaminneqarsinnaanera naatsorsuutigigitsik, Kalaallit Nunaanni Politiit pigaartuisa pisortaat Ole Hald KNR-imut arfninngornermi ullaap tunngaani oqarpoq.
Qaqortup eqqaani pinngortitami nunap ikuallannera, Qaqortumi innuttaasut ilaannit tallimanngornermi unnukkut nalunaaqutaq qulinut tanneq arfineq-pingasut missaanni nalunaarutigineqartoq qatserisartut oqaatigaat. Pinngortitami ikuallattoqarpoq, tamaanilu illuaraqarnani.
Ikuallattoqarnerani ajoqusertoqarsimaneranik nalunaarutiginnittoqarsimanngitsoq politiit ilisimatitsipput.
Qaqortup eqqaani pinngortitami nuna ualeq manna suli ikuallattoq qatserisartut oqaatigaat. Qulimiguulik qamitsiniarnermi atorneqarpoq. Karl Larsen, qatserisartuneersoq, KNR-imut ualeq manna taama ilisimatitsivoq.
Pinngortitami nuna qanoq isilluni ikuallalersimanersoq suli oqaatigineqarsinnaanngitsoq ilisimatitsissutigineqarpoq.
