Politiit ullormut nalunaarusiaat: Qaqortumi tillinniartoqarpoq
Qaqortumi Pisiffiup tillinniartoqarneranik kalerrisaarutaa pingasunngornermut unnuaani pingasut qaangilaaraa aallartippoq. Pisiffiup igalaavisa ilaat peerneqarsimasoq, politiit anngukkamik paasivaat.
Kalaallit Nunaanni politiit pigaartuisa ningiuat, Anette Ostenfeldt, pingasunngornermi ullaakkut ilisimatitsivoq.
- Tillinniartutut pasisat tillitaqarsimarpasinngillat, Anette Ostenfeldt oqarpoq.
Tillinniartutulli pasisat tillitaqarsimarpasinngikkaluartut ilumut tillittoqarsimaneranik takussutissaqarnersoq Qaqortumi politiit misissuinertik nangikkaat, politiit pigaartuisa ningiuat oqarpoq.
Qaqortumi politiit ornigutilertoreerlutik inuusuttut marluk Pisiffimmi naammattuugaat 14-inik aappaalu 16-inik ukiuliusut, Anette Ostenfeldt aamma ilimatitsivoq. Inuusuttut marluk taakkua 18-iliineqannginnamik, isumaginninnermi oqartussat suliami tassani peqataatinneqassapput.