Politiit ullormut nalunaarusiaat: Qaqortumi tillinniartoqarpoq
Qaqortumi Majoriami Kirkegårdsvejimiittumi ataasinngornermut unnuaani tillinniartoqarsimanera ullormut nalunaarusiaminni kisimi naluunaarsorsimasuutigigitsik, Kalaallit Nunaanni Politiit pigaartuisa ittuat Ole Hald ilisimatitsivoq.
Qaqortumi Majoriap kalerrisaarutaa appissimasoq politiit ataasinngornermut unnuaani pingasut qaangilaaraa nalunaarfigineqarput.
- Qaqortumi politiit Majoriamut ornigutilertoramik tillinniaqarneranik takussutissaqarsimavoq. Majoriap kantiinaani igalaat ilaat aserorneqarsimavoq, ilumulli tillittoqarsimasoq oqaatigisinnaanngikkallaritsik, Ole Hald oqarpoq.
Taamaammat Qaqortumi Nuummilu politiit Qaqortumi ataasinngornermut tillinniaqarneranik suliami Nuummilu sapaatit akunnerata siuliani aamma tillinniaqarneranik suliani marlunni misissuinerminni iluaqutaasinnaasunik paasissutissaatillit attaveqaqquaat.
Kalaallit Nunaanni Poliit 70 14 48-mut sianerfigalugit attavigineqarsinnaapput.