Qaqortumi perorsaasunngorniarfiup matuinnarnissaa isumaliutigineqartoq
Ilinniartitaanermut naalakkersuisup, Doris J. Jensenip Inatsisartunut ilaasortamut, Vivian Motzfeldtimut akissutaani tamanna allassimavoq.
Vivianip Perorsaasunngorniat Ilinniarfiata kujataani najugarisaq qimannagu atuarsinnaanerup matunissaanik siunnersuuteqarneranut peqqutaasut paasiniarpai.
Vivian Motzfeldtip siunnersuut paasiuminaatsippaa, pingaartumik maannakkorpiaq kalaallisut atuartitsisoqartarneratigut angusarissaartoqarneranik tamanna kinguneqartarmat.
Doris J. Jensenilu naapertorlugu ilinnialerumallutik qinnuteqartut ikippallaartarnerat ilinniartullu pilersaarut malillugu kommunemi atorfinittannginnerat peqqutaapput.
Taakku saniatigut atuarnermik unitsitsiinnartartut amerlasoorujussuupput, eqimattallu atuartinneqarnissaannut qaffasissutsimut tamanna naammaginarunnaartarluni.
