Qaqortanik qernertanillu qilalugartassiissutit aalajangerneqartut

Ukioq mannamut qaqortanik qernertanillu qilalugartassiissutit aalajangerneqarput. Pisassiissutigineqartullu siornamut naleqqiullugit allannguuteqanngillat. Piniarnermut naalakkersuisoqarfik taaama nalunaaruteqarpoq.
Allattoq Simon Uldum
januaarip 11-at 2019 06:59

Qilalukkat qaqortat 340 -t qilalukkallu qernertat 424-tKitaani 2019-imi pisassiissutigineqarput. Tunumi qilalukkat qernertat 66-it pisassiissutigineqarput.

Qilalugartassiissutit agguataarneri 2016-imiit 2020-imut qilalukkat pillugit uumassusilerisut siunnersuinerat, atuisut ilisimasaat tusarniaasoqareernerullu kingorna tunngavigalugit inissinneqarput, naalakkersuisoqarfik taama ilisimatitsivoq.

AAMMA ATUARUK Qeqertarsuup Tunuanut Qimusseriarsuarmullu qilalugartassiissutit ilaneqarput

2018-imi inaarutaasumik pisat januaarip 31-iata 2019 kingorna misissorneqassapput, tamatumalu kingorna 2019-imi pisassiissutit nalimmassarneqarsinnaallutik.

Pisassiissutigineqartut agguataarneri uani takuneqarsinnaapput.

AAMMA ATUARUK Tunumi qilalukkanik qernertanik pisassiissutit ilaneqarnissaat itigartitsissutigineqartoq

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq