Qanoq pisoqarnissaanik ataatsimiinneq: Island Gamesip 2021-mi taamaatiinnarsinnaanera isumaliutaavoq
![](/sites/default/files/styles/image_934x467/public/article_images/badminton3.jpg?itok=exIYyUw-)
Island Gamesimi nunat tamalaat suleqatigiiffianni ukiumoortumik ataatsimeersuarneq septemberip 26-at pissaaq. Tassani oqaluuserisassaq annertooq tassaavoq aappaagu tuluit qeqertaanni Guernseymi Island Gamesertoqarsinnaassanersoq.
- Maanna coronap atugassaqartitsinerata Island Gamesimi nunat ilaasortat tamakkerlugit eqqorpai. 2021-mi Island Gameseqarnissaanik aaqqissuisut ataatsimiititaliaata piareersaatit ingerlatiinnarpai Island Gamesimi nunat tamalaat suleqatigiiffiat qanimut suleqatigalu, Guernseymi aaqqissuisut nalunaarput.
Tuluit nunaat Guernseyp attavigisaa, coronamit sakkortuumi eqqugaavoq.
Matusineq
Nunanut allanut ministeriaqarfiup Tuluit nunaannut angalaniartunut ilitsersuutaani mianersorluinnaqqusisoqarpoq aammalu ilisimatitsissutigineqarluni Tuluit nunaanniit Danmarkimut angalaniarneq ajornakusoorsinnaasoq. Ilanngullugu mianersoqqusissutigineqarpoq sumiiffikkaartumik matusisoqaratarsinnaanera.
Island Gamesimi nunat tamalaat suleqatigiiffiata coronamik nappaalanersuaq malinnaaffigeqqissaarpaa taamalu aappaagu taamaatitseratarsinnaaneq isumaliutaasoq oqaatigalugu.
- Aalajangerneq pissaq Island Gamesimi suliniaqatigiiffimmi ukiumoortumik ataatsimiinneq septemberip 26-at pilerpat, Island Gamesip suliniaqatigiiffianit KNR-mut ilisimatitsipput.
Kalaallit Nunaanni timersoqatigiit kattuffiata Nunatsinniit peqataasussat 59-it nalunaarutigai taakkulu timersuutinut arfineq pingasunut agguataarsimapput.
AAMMA ATUARUK KAK får ny landstræner til fodboldlandsholdet
Piareersaatit aallartereerput. Isikkamik arsaattartut sungiusaasortaarput aappaagu Island Gameseqarnerani aqutsisussamik aammalu siullerpaamik nalunnermi nunanut allanut unammisartut aallartisalerlutik.
AAMMA ATUARUK Nunarput nalunnermi nunanut allanut unammisartoqalerpoq
Septemberip 26-ni ataatsimiinnermi aalajangertoqarnissaanut GIF-ip avammut oqaaseqarnissani utaqqisikkallarpaa.