Qamikkuminaatsoq: Sisimiut eqqaanni qaqqami ikuallanneq suli ikualavoq
Sisimiut kangimut avannaatungaani qaqqami ikuallanneq qamikkuminaappoq.
Ikuallanneq Kangerluarsuk Tullermiippoq, Qeqqatalu Kommuniata qatserisartui naapertorlugit ikuallanneq massakkut nakkutigineqarsinnaasumik ikualavoq.
Sisimiut Kangerlussuullu akornanni pisuffiup Arctic Circle Trailip eqqaaniippoq. Juulimi pujuliortorsuarmik ikuallanneqarpoq, taassumalu kingunerisaanik pisuffiup Arctic Circle Trailip ilaata atorneqannginnissaanik politiit kaammattuipput.
AAMMA ATUARUK Sisimiut eqqaani ikuallattoq ikualaqqilersoq
Kisianni suli qaqqami qutsissumi suli ikualavoq, taamaattumillu qamikkuminaalluni. Qulimiguulik Air Greenlandimeersoq tingilluni qatseriartortitaavoq – ajornartorsiutaavorli imeq nunap iluanut anngunneq ajormat, taannami aamma ikuallammat.
Taamaattumik qatserisartut ikuallannerup sissamut qanillattornissaa utaqqivaat, qamikkuminarnerulissammat, tusagassiuutinut nalunaarummi Qeqqata Kommunia paasissutissiivoq.
Inneq illuaqarfimmut anngutsinnagu qaminneqartariaqarpoq.