Sisimiut eqqaani ikuallattoq ikualaqqilersoq
Sisimiut eqqaani juulimi pinngortitaq ikuallalerpoq. Ikuallanneranili pujoq annertooq siaruaatilerpoq, taamaattumik politiit kaammattuipput Sisimiut Kangerlussuullu akornanni Arctic Circle Trailip aqqutaa aqqutigisineqassanngitsoq.
Ikuallattup annersaa juuli qiteqqusimalernerani qaminneqaraluarpoq, maannali ikuallattoq ikualaqqilersoq, Qeqqata Kommuniani qatserisartut ilisimatitsipput.
Ikuallattup pujua annertummat Sisimiut Kangerlussuullu akornanni aqqummi
Arctic Circle Trailip ilaani kangerluarsuk tullermiit nerumaq aqqutigalugu eqalugaarniarfikkoortoqassanngitsoq kaammattuutigineqarpoq.
- Kangerluarsuk tullermiit Eqalugaarniarfimmut Sarfannguatigoortoq atorneqassasoq qatserisartuniit innersuussutigaarput, Poul Olsen oqarpoq.
Aqqut nalunaarsorneqarsimasoq uani nunap assingani takusinnaavat:
