Qaleralittassiissutit amerlassusilerneqarnerat Atassutip isumaqataaffigaa
Qaleralittassat 2016-imut 28.000 tonsinut inissinneqarput, taamaalillutik Naalakkersuisut Pinngortitaleriffiup kaammattuutigisai 20.300 tonsiunissaannik innersuussuteqarnerat malinngilaat.
AAMMA ATUARUK VIDEO Qaleralittassiissutit naalakkersuisooqataasut akerleraat
- Pinngortitaleriffiulli aalisartullu soqutigisaat imminnut assortuuttutut nalilerneqarnerannut Atassut isumaqataanngilaq. Isumaqarpummi isumaqatigiinnginneq Pinngortitaleriffiup pisassiissutissanik naammattunik paasissutissanik peqannginnerata kinguneriinnaraa.
Taamaattumik Atassutip erseqqissarpaa, Pinngortitaleriffik qaleraleqassusianik misissuinissaminut uppernarsaanissaminut atortussaminik amerlanerusunik tunineqassasoq, pitsaanerusumik aalajangernissamut siunissami tunngavissaqarluarniassammat.