VIDEO Qaasuitsup kisimiiilluni suliniutaa nunatta sinneranut sunniuteqarsinnaasoq
Suliniut, Newportimik taaguutilik, Qaasuitsup Kommuniata ataqatigiinnermut attaveqarfiisa pitsaanerulernissaannut kommuni ukiuni arlaqartuni sulissuteqarpoq.
Suliniut siunnersorteqarfimmit suleqataaffigineqartoq isertorlunilu suliarineqartoq, Nunatsinnut annertuumik kinguneqarsinnaagaluarpoq.
Suliniut Newportimik taaguutilik angisuujuvoq, Nunattalu ataqatigiinnerata aaqqissuussaaneranut allannguerujussuarsinnaalluni.
Aamma takornariaqartitsinerujussuussaaq, periarfissarpassuarnillu ammaassilluni. Siunnersorteqarfik Nextpartners oqallissaarutitut saqqummiussaani taama allaqqavoq.
Suliniutilli niuernermut atasuunissaanik aallaaveqartussaanera siunertaavoq.
Aamma atuaruk Newport pillugu nalunaarusiaq: Nalorninaateqarfiusinnaasut nalilersorneqartariaqarput
Aamma atuaruk Suliniut Nunatsinnut aarlerinartoq
Avataanit aningaasaliisussat
Avataaniillu aningaasaliiniartut aningaasaliinerminni aningaasat uteqqissasut naatsorsuutigaat, ernianillu qaffasissunik perusussallutik.
Aningaasaliisimanermilu iluanaarutinik 10 procentit tungaannut piumasaqartoqarnera pissutigalugu, suliniummi Newportimi tamanna aamma takuneqarsinnaavoq.
Newportimut mittarfik tunngaviuvoq, taannalu sananeranut 916 millionit koruuninik akeqassasoq, Cowiup misissueqqissaarnerata takutippaa.
Mittarfimmik meterinik 2800-nik takissusilimmik, niuffiortut utaqqisarfiannik aamma tikittarfimmik sanaartortoqarnissaa pissutigalugit taama akeqarnissaa missingersorneqarpoq.
Aamma atuaruk Dorphip pilersaarusiarsuaq unitsittariaqarpaa
Newport
Newportilu iluatsissappat suli amerlanernik piumasaqaateqarpoq.
Tassami Newportip mittarfissaa nunanut allanut timmisartunut Nunatsinni kisimiilluni mittarfiussaaq.
Tamannalu takornarianut Ilulissanukarniarlutik Kangerlussuamut aqqusaaqqaartariaqartunut nutaarsiassaalluarpoq, timmisartorlutilli angalaniartunut allanut, takornarianut Nunatta sinneranut tikeraarniartunut Kangerlussuarmilu inuit najugaqartut 530-it missaanniittunut tamanna nutaarsiassaalluarpallaarnani.
Suliamullu atatillugu takornariat tikittussat amerlassusaannik naatsorsuineq piviusorsiunngitsoq, KNR-ip apersugai arlallit aamma oqarput.
Aamma atuaruk Lars-Emil Johansen mianersoqqusisoq
Taavalu Namminersorlutik Oqartussat Ilulissani maanna mittarfiusoq piginneqataassutitut akiliutigissavaat, taamaalillutik piginneqatigiiffimmut, Mittarfeqarfinnik taarsiillutik ingerlatsilertussamut, piginneqataalerlutik.
Taamaattoqassappalli Namminersorlutik Oqartussat Ilulissani mittarfimmut nakkutiginnikkunnaassapput.
Namminersorlutik Oqartussat qularnaveeqqusiinissaat, Newportimut aningaasaliiniartut aamma piumasaraat. Taamaattoqassappat aktianillu piginneqatigiiffik ajutoorluni akiligassat Nunatta karsianit akilerneqartariaqassapput.
Aamma atuaruk Ilulissani takornariat pillugit periusissiaqanngilaq
