Assi: Qaasuitsup Kommunia

Newport pillugu nalunaarusiaq: Nalorninaateqarfiusinnaasut nalilersorneqartariaqarput

Suliniutip Newportip Ilulissani mittarfimmik tallilerinissamik mittarfimmilu atortorissaarutitigut pitsanngorsaanissamik suliaqarfiuniartup inuiaqatigiinnut tunngatillugu sunniutissai Siunnersuisarfiup Cowip misissorsimavai.

Misissuinerup takutippaa suliniutip mittarfimmut aqqutilersuutinullu tunngasortai inuiaqatigiinnut 100 millionit koruunit missaannik akeqassasut.

Takornarialli tikittut amerleriaateqarnissaannut missiliuinerit ilanngukkaanni allatorluinnaq isikkoqarpoq:

"Inuiaqatigiit aningaasaqarnerannut sunniutissai tamarmiusut eqqarsaatigalugit (takornariaqarnerup sunniutissai ilanngullugit), aningaasaqarneq pitsaasuussaaq 3,4 milliardit koruuninik naleqassalluni. Tamannalu Newportip pilersaarusiutimini takornarianik amerlasoorpassuarnik toqqammaveqarneranik pissuteqarpoq", Cowip misissuinerani tamanna atuarneqarsinnaavoq.

AAMMA ATUARUK Suliniut Nunatsinnut aarlerinartoq

Taamaammat nalunaarusiami Namminersorlutik Oqartussanut kaammattuutigineqarpoq nalorninaateqarfiusinnaasut assigiinngitsut nalilersuiffigineqassasut. Nalorninaateqarfiusinnaasullu ilagaat takornariaqassutsimut tunngatillugu ilimagineqartut.

"Nunanit allanit takornariat amerlassussaannut naatsorsuutigineqartut ullumikkumut naleqqiullugit amerlasuupilussuupput. Taamaammat Suliniummi Newportimi takornariat taamatut amerleriaateqarnissaannut takornariartitsinikkut suliffeqarnikkullu naammassisaqarsinnaassuseqarnissaq pisariaqassaaq." issuaaneq naavoq.
 
Ilulissat 4.500-t missaannik innuttaasoqarpoq. Newportillu naatsorsuutigisai eqquutissappata, takornariat Ilulissani innuttaasut 25-riaataat ukiumut tikittassapput, Cowi taama allappoq.

Cowip misissuinera siorna novembarimi saqqummersinneqarpoq Peqqissutsimullu Attaveqarnermullu Naalakkersuisoqarfiusimasumit suliakkiissutaalluni.

AAMMA ATUARUK Lars-Emil Johansen mianersoqqusisoq

AAMMA ATUARUK Dorphip pilersaarusiarsuaq unitsittariaqarpaa

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat