Qaasuitsup Kommunia ilimagisamit sinneqartooruteqarnerungaatsiartoq
2016-imi naatsorsuutit sapaatip akunnerata siuliani akuerineqarmata Qaasuitsup Kommuniani kommunalbestyrelset nuannassimassapput. Sinneqartoorutimmi kommunalbestyrelsep missingersuutigisaani 22.5 millioniinnaagaluartut sinneqartoorutit katillugit 72.9 millionit koruuniupput.
Borgmesterip Ole Dorphip kommunimi inuussutissarsiornermik ingerlataqartut naatsorsuutigissaarnermut qujassutissaqarfigai.
- Naatsorsuutinik taama inerneqartitsinitsinni kommunimi inuussutissarsiornikkut eqeersimaarluni ingerlatsilluarneq patsisaavoq. Tamanna pillugu kommune sinnerlugu, qujassutiginiarpara innuttaasut pitsaasumik suliaqarsimanerannut, borgmesteri taama allappoq.
AAMMA ATUARUK Polar Seafoodip sinneqartoorutini saqqummiukkai
Taassumalu kommunep marlunnut ukiup naanerani avinneqarnissaa isumalluarfigaa.
- Siunissaq isumalluarfigaara, takusinnaagakku ineritikkiartugassarpassuaqartoq. Eqqumiigissanngilara ukioq naatsorsuiffiup 2017-ip inernissaa siornamut naleqqiullugu pitsaanerussagaluarpat, Ole Dorph ukiup nutaap aallartinnerani borgmesteriugunnaartussaq taama allappoq.
Qaasuitsup Kommunia ukiortaap tungaanut ikaarsaariarnermik ataatsimiititalianik marlunnik aqunneqassaaq, ukiullu nikinnerani taakku kommunini marlunni nutaani, suli atserneqanngitsuni kommunalbestyrelsenngortussaapput
AAMMA ATUARUK TELE-POST 122 millionit koruuninik sinneqartooruteqartoq
AAMMA ATUARUK Nuuk Imeq sinneqartooruteqangaatsiartoq
