Qaasuitsoq Kujallermi suli isumaqatigiinniartut
Qaasuitsup kujasissortaani kina borgmesterinngussanersoq suli nalunarpoq.
Allattoq Bikki P. Kleist
apriilip 07-at 2017 07:57
Inuit Ataqatigiit Siumullu amerlaqatigiinnik qinersiseqarput, Atassummeersorlu Naja Petersen pisoq pillugu aalajangersuulluinnartussanngorpoq.
- Isumaqatiginniarnerit suli piffissaqarluarluni ingerlanneqarput, Naja Petersen KNR-imut ullaaq manna oqarpoq.
AAMMA ATUARUK Atassutip borgmesterip allaffianut matu ammatippaa
Atassummeersoq Naja Petersen oqarpoq, Atassummi qineqqusaaqataasimasut nunaqarfimmiullu peqatigalugit nalunaaqutaq qulingiluanut ataatsimeeqqissallutik.
Siumukkut peqatigalugit killiffik pillugu aamma ataatsimeeqatigissamaarlutik, Naja Petersenip oqaatigaa.
Inuit Ataqatigiikkunnik ataatsimeeqateqassanerlutik aperineqarami akivoq: Ullup ilaa paasinarsissooq.
