Qaammatip seqineq asserpagu - Qaammat seqerngup nalaanut pippat

Seqineq tamakkerluni qaammammut pulappat tallimanngornermi aggustip ulluisa aallaqqaatani, Canada-miit Kina tikillugu takuneqarsinaassaaq.
Allattoq Jaaku Lyberth
marsip 22-at 2008 16:49

Qaammat seqerngup nalaanut pilluni aallartippat, aggustip aallaqqataani ullaakkut arfineq marlunut qiteqquppat takorusukkaanni, 30.000 koruuninillu aningaasaateqaraani, avanersuarmi Ullersuarmi isiginnaarneqarsinnaavoq. Taamatut neqerooruteqartoq tassaavoq takornariarinik angallasseqatigiiffik Albatros Travel.

Takornariartitseqatigiiffiup umiarsuaa Clipper Adventure qaammat seqerngup nalaanut pippat Ullersuarmiiniarpoq. Umiarsuaq takornarianik angallassisartoq Clipper Adventure Kalaallit Nunaata sineriaani angalalluni aasaru aallartissaaq, avanersuarmullu Ullersuarmut ingerlassalluni.

Tartupaluk tikillugu angalanissarput neriuutigaarput, neriorsuinianngilagulli tamassumap piviusunngorsinnaanissaa. Canadap Avanersuullu akornanni ikeq sikoqarpallaanera pissutigalugu ukiuni kingullerni qulini umiarsuarmik angallavigineqarsinnaanngilaq angalatitseqatigiiffik Albatros Travel nittartakkamini taamatut allaaserisaqarpoq.

Qaamat aningaaq seqerngup nalaanut pinera takuniarlugu angalaneq julip ulluisa 25-anni aallartissaaq angalanerlu taanna 29.990 koruuninik akeqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq