Qaasuitsumi ajornartorsiutit kommuninut nutaanut ingerlateqqinneqalersut

Qaasuitsup Kommuniani isumaginninnermi ima ajutooqqatigaaq, allaat suliarpassuit malinnaavigineqarunnaaqqallutik, kommunilu avannarlissaq Isumaginninnermut Naalakkersuisoqarfimmit nakkutigineqalersinnaalluni.
Allattoq Thomas Munk Veirum, Sara K. Jakobsen, Nathan Kreutzmann
marsip 10-at 2017 11:21

Qaasuitsup Kommuniata aqutsissoqarfia sulianik saqqummiussani taama inerniliivoq.

- Qaasuitsup Kommunia kujalleq avannarlerlu isumaginninnerup iluani sullissinermi tamatigut ataatsimut isigalugu pitsaasuunngilaq, Kommunalbestyrelsemi ilaasortaq, Inuit Ataqatigiinneersorlu, Edvard Kristiansen, taama oqarpoq.Isumaginnittoqarfinni atorfiit 55-it inuttaqanngillat.

Ilaqutariinnut illut taakkununnga ilaapput. Ilaqutariinnut illut ilaqutariit inuuniarnikkut ajornartorsiortut ikorfartortussaammatigit, Uummannami ilaqutarinnut illumik septembarimi ammaasoqarpoq.

Sulianilli kommunalbestyrelsimut februaarip naalernerani saqqummiussani nalunaarutigineqarpoq, tassani suli atorfinitsitsisoqanngitsoq.

AAMMA ATUARUK Kaos på det sociale område i Qaasuitsup

Pisariaqartitseqisullu, Uummannami Meeqqat Angerlarsimaffianni forstanderi, Ann Andreassen, isumaqarpoq.

- Suliassarpassuit naammassiniagassaapput. Inuppassuimmi ilungersunartorsiornartumik misigisaqarsimasuupput, Ann Andreassen oqarpoq.

Meeqqat Illersuisuat Uummannami, Upernavimmi nunaqarfigisaannullu siornaak tikeraareerluni Qaasuitsup Kommunia sakkortuumik isornartorsiorpaa.

Kommunillu ilaqutariinnut illuutasa ilaqutariit inuuniarnikkut ajornartorsiortut ikorfartortussaagaluarpai.

- Isumaginninnikkut sullissiveqassagaluarpugut ilaatigullu imminut toquttarneq pinaveersaartillugu. Inuusuttut ilaqutariillu ilungersornartunik nalaataqarsimasut inuuniarnikkut aamma ikiorsinnaalissagaluarpagut, tamatsinnummi sunniuteqartarpoq, forstanderi oqarpoq.

AAMMA ATUARUK Qaasuitsup Kommuniani meeqqat isummersorfiinik pilersitsisut

Ilinniagaqarsimasunillu atorfinitsitsiniarneq ajornakusoortoq taassuma uppernarsarpaa.

Suliallu oqimaatsut kommuninngorumaartussanut suliassaalissasut, Edvard Kristiansen oqarpoq.

- Allaffissornermik ingerlatsinermi innuttaasunik sullisineq ikaarsaariarnermut ataatsimiititalianngortussani unammillernarnerpaajusussaavoq kommunimmi nutaat aallartinneranni unammilligassat annertunermik, kommunalbestyrelsemi ilaasortaq, Edvard Kristiansen, taama oqarpoq.

Namminersorlutik Oqartussat nakkutilliisui Qaasuitsup Kommuniani Ilulissaniit avannaanut maanna nakkutilliileruttulerput.

AAMMA ATUARUK Kommunip isornartorsiorneqarnini akueraa

 

 

 

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk