Qaasuitsup Kommuniani meeqqat isummersorfiinik pilersitsisut

Avannaani meeqqat kommunimi politikerertaminnut oqaaseqartartoqalerput.
Assi © : NAKUUSA
Assi © : NAKUUSA
Assi © : NAKUUSA
Assi © : NAKUUSA
Allattoq Anton Gundersen Lihn
februaarip 09-at 2017 06:18
Nutserisoq Simon Uldum -

Nunatsinnimi kommunit kingullersaattut Qaasuitsup Kommuniata NAKUUSA suleqatigiinnissamik isumaqatigiissuteqarfigaa.

Meeqqat isummersorfiat aqqaneq-marlunnik ilaasortaqassaaq, taakkulu kommunimi suliat meeqqanut tunngasut pillugit kommunimi politikerinut siunnersuisassapput. Atuarfinni isummersoqatigiiffiit, Nakuusaaqqat, aamma pilersinneqassapput, atuartunit anginernit ilaasortaaffigineqassallutik, taakkulu kommunimi meeqqat inuusuttullu oqaaseqartartorissavaat.  

Kommunit sisamaasut tamarmik meeqqat isummersorfii pillugit suleqatigiinnissamik isumaqatigiissuteqarfigineqarnerat NAKUUSA-mi nuannaarutigineqartoq, NAKUUSA-mi suliniutinik aqutsisup, Najaaraq Møllerip, oqaatigaa.

- Oqarsinnaanngorpugut nunatsinni meeqqat sinerissamiittut tamarluinnaasa akuutinneqarnissaannut sinaakkummik asseqanngitsumik peqalerluta. Massakkumiit sinaakkutip taassuma atorluarneqalernissaanut sumiiffinnullu tulluarsarnissaannut sulilluta aallartissinnaanngorpugut, Najaara Møller oqarpoq.

Qaasuitsup Kommuniani ilinniartitsisut NAKUUSA-p 2017-ip ingerlanerani pikkorissartussaavai, meeqqat illoqarfinni nunaqarfinnilu tamani  sunniuteqaqataasinnaanerat qulakkeerniarlugu.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk