Pisimasunik tulleriissaarineq Prins Henriup inuunera
Februaarip 13-iat, 2018: Prins Henrik Fredensborg Slottimi Dronningimit ernerminillu marlunnit najorneqarluni toquvoq.
2017 –Prins Henrik puigortunngornermik nappaateqartoq kunngikkormiunit nalunaarutigineqarpoq.
Juuni, 2017 – Prins Henrik Dronning Margrethelu ukiuni 50-ini katiffissiorput.
Ukiortaaq, 2015 – Prins Henrik soraarninngorpoq Danmarkimilu Prinsitut pisortatigoortumillu pisussaaffini killilerlugit.
Aggusti, 2015 – Prins Henriup nunarput Dronning peqatigalugu naggataamik tikeraarpaa. Aasaanerani umiartornerat Upernavimmiit Nuummut angalaneruvoq.
AAMMA ATUARUK Prins Henrik kunngikkormiorpalaarlunilu inuppalaartuuvoq
2010 – Prins Henriup nunatsinnit isumassarsiorfigisani taallat saqqummersippai
2005 – Prins Henrik Prinsgemalimik taaguuteqalerpoq.
1974 – Dronningip Prinsillu viinniliassanik naatitsivik, Château de Cayx Prinsip Frankrigimi inunngorfiata eqqaaniittoq pisiaraat.
1972 - Kunngi Frederik qulingiluaat toquvoq. Dronning Margrethe Prins Henrillu Kunngeqarfimmi Danmarkimi (nunarput Savalimmiullu ilanngullugu) qullersaalerput.
AAMMA ATUARUK Inuit Amalienborg Slotspladsimut tikiussortut
1970 – Prins Henriup Prinsesse Margrethe peqatigalugu nunarput siullerpaamik tikeraarpaa.
Juunip 7-iat, 1969 – Prins Henrik Prinsesse Margrethelu Prins Joachimimut angajoqqaanngorput.
Maajip 26-at, 1968: Prins Henrik Prinsesse Margrethelu Kunngissaq Frederimmut angajoqqaanngorput.
Juunip 10-at, 1967 - Henri Marie Jean André greve de Laborde de Monpezat Prinsesse Margrethelu katipput, Prins Henrillu Kunngikkormiusut ataqqinassusilimmik Danmarkimit Prinsimik taaguuteqalerpoq.
AAMMA ATUARUK Kissalaartumik tikilluaqquneqartarnertik puigunngisaannarpaat
1966 – Prins Henrik Prinsesse Margrethelu aappassiariilerput.
1965 – Prins Henriup Prinsesse Margrethe Londonimi nereqatigiinnermi siullerpaamik takuaa.
1959 - 1962 - Prins Henriup sakkutuujuffissani Algeriami sorsunnermi atorpaa.
1939 - 1958 - Prins Henrik Frankrigimi, Vietnamimi, Hong Kongimilu paarlagaattumik ilinniarpoq.
1939 – Ilaqutariit ilaquttami Frankrigimi Cahorsimi illuannut le Cayroumut nuupput.
1934 – Prins Henriup angajoqqaani qatanngutinilu Fransk Indokinamut (maanna Vietnamimut) nooqatigai.
Juunip 11-at, 1934 – Henrik Henrik Frankrigimi illoqarfiup qitiusup avataatungaani illoqarfimmi Bordeauximi inunngorpoq. Henri Marie Jean André greve de Laborde de Monpezatimillu atserneqarluni.
AAMMA ATUARUK Prins Henrik katerisimaarfiusumik iligallarneqassaaq