Inuit Amalienborg Slotspladsimut tikiussortut

Københavnimi Amalienborg Slotspladsimi inuit katersuupput prinsimullu naggammik inuulluaqqussuteqarnissamut allaffissianik ilioraasoqarsimavoq.

Suleqaterput Kenneth Elkjær aamma Amalienborg Slotpladsimiippoq. Taanna ualimut ima oqaluttuarpoq:
 
- Inuit ataqqinnerpalaartupilussuupput, taama nassuiarsinnaavara. Inuit pisullutik illussaarsuup saavanut takkussuupput Dronningillu inigisaata Christian den niendes palæp saavanut naasunik ilioraallutik.

- Inuit eqqissiivillutik takkussuupput naasunillu ilisereeraangamik inuit allat ilassisinnarlugit prinsimut dronningimullu inuulluaqqussutit allanneqarsimasut atuarpaat. Aap, ataqqinnerpalaartupilussuuvoq, naak inuppassuugaluartut - aamma pisarnermit amerlanerupput.

AAMMA ATUARUK Prins Henrik angutaavoq quiasaarumatooq

- Tamatumunnga peqatigitillugu aamma misiginneqataanermik allaffissianut inuulluaaqussummik naggammik allattoqarsinnaavoq. Taakku atorneqarluarpat?
 
- Aap ikani, maanngaanniit meterinik 100-nik ungasitsisigumiipput, Det gule Palæmi. Inuit aqqusinermi siuleriiaapput. Taava iserluni allaffissianut iliorarneqarsimasunut allattoqarsinnaavoq.

- Siuleriiaattut amerlapput, naak maanna Danmarkimi nalunaaqutaq aatsaat marlunngoraluartoq inuillu suli suliagaluartut. Akunnerup affaani maaniinnitsinni takkuttut amerliartuinnarput aamma siuleriiaattut amerliartuinnarput, KNR-ip ilanngutassiortua Kenneth Elkjær taama oqarpoq.