Lars-Emil Johansen: Prins Henrik kunngikkormiorpalaarlunilu inuppalaartuuvoq
Eqqaamannittut ilagaat Inatsisartut siulittaasuat, Lars-Emil Johansen. Taassuma politikkeritut sulinermini prins Henrik ataasiaannarani naapittarsimavaa.
Kunngikkormiorpalaaraluarluni aamma inuppalaartuunera Johansenip maluginiarsimavaa.
- Eqqaamavara inuk inuppalaartuusoq qiimasoq. Kalaallinut asannittoq Nunatsinnillu nuannarinnittoq, Lars-Emil Johansen taama oqarpoq.
AAMMA ATUARUK Prins Henrik angutaavoq quiasaarumatooq
AAMMA ATUARUK Inuit Amalienborg Slotspladsimut tikiussortut
Lars-Emil Johansenip kunngikkormiut pisortatigoortumik ilaatigullumi pisortatiguunngitsumik naapisimaartarsimavai.
Taassuma prins Henriup kalaallinik soqutiginnittuunera nuannaraa, oqaatigalugulu prinsip Nunatsinnik nuannarinninnini assigiinngitsutigut takutittaraa.
- Nunatsinniikkaangami kalaaliminernik soqutigisaqarnini aammalu kalaallit nerisassioriaasiannik soqutigisaqarnini takutittuaannarpaa, Johansen oqarpoq.
Taassuma kunngikkormiut ilaatigut Nanortalimminngaanniit Pituffik tikillugu angalaqatiginikuusimavai. Maluginiartagaasalu ilagaat prinsip kalaallinit ningaannguatut isigineqarnera.
- Kalaallit ningaamaartuupput. Kalaallit dronningimik nuannarisaqartuugatta taamaammat uia soorlu ningaannarisutut pissusilersorfigisaraat, Lars-Emil Johansen maluginiarsimasaminik oqaluttuarpoq.
AAMMA ATUARUK Kissalaartumik tikilluaqquneqartarnertik puigunngisaannarpaat
AAMMA ATUARUK Prins Henrik toquvoq
Kunngikkormiut Nunatsinni 2015-imi angalanerat uani takuuk: