VIDEO Kissalaartumik tikilluaqquneqartarnertik puigunngisaannarpaat
Kunngikkormiutut Ataqqinassusilik Prins Henrik, 83-inik ukioqarluni, eqqissilluni marlunngornermi unnukkut toquvoq. Kunngikkormiut nalunaarutaat naapertorlugu Dronning Margrethemit ernerminillu, Kunngissaq Frederimmit Prins Joachimillu najorneqarpoq.
Prins Henriup nunarput tikeraaqattaareerpaa, kingullermik 2015-imi.
Dronning Magrethe Prins Henrillu nunatsinni kingullermik angalanerat KNR-imit malinnaavigaarput.
Kalaallit Nunaallu ima eqqaamasaqarfigaa:
- Kalaallit Nunaannut angalaqqaarniga Tunumi pivoq. Kalaallit Nunaat misigisaqarfigaara siullermik 1969-imi, Prins Henrik oqarpoq.
- '70-imi pivoq, Dronning Margrethe qungujulluni naqqiivoq.
- '70-imi. Ammassalimmi, qiimmatsannaqaarlu. Kingorna Kitaani angalanerusalerpunga, tamatigut nuannertaqaaq, Prins Henrik oqarpoq:
- Inuiaqatigiit Kalaallit tamakkerlugit qujaffigissavakka angalanerpummi nuannernikooqimmat.
Ilanngutassiaq uani takuuk:
