Prins Henrik katerisimaarfiusumik iligallarneqassaaq

Prins Henriup kissaataa naapertorlugu februaarip 20-ani nalunaaqutaq aqqanermut Christiansborg Slotskirkemi katerisimaartoqassaaq. Kunngikkormiut taama ilisimatitsipput. 

Katerisimaarneq ilaqutaasunit peqataaffigineqartussaq ilisigallarnerussaaq pisortatigoortumik ilisinerunngitsoq. 

Nalinginnaasumik naalagaaffimmi qullersaasut politikkerillu pisortatigoortumik ilisaasarput, nalinginnaasumillu nunami nunanilu allani pingaarutilittut inissisimasut peqataasarlutik. 

Prins Henriup ilisaagallarnerani  biskoppiusimasoq Erik Norman Svendsen naalagiartitsisuussaaq. 

Tamannali sioqqullugu innuttaasut tamarmik inuulluaqqusinissaminnik periarfissaqassapput. Tassa prinsip ilerra matoqqasoq Christiansborg Slotskirkemi arfininngornermit takuneqarsinnaajumaarmat. 

Prinsen Prinsip timaa ikuallanneqassaaq. 

Kunngikkormiut tusagassiortunut paasissutissiinerminni oqaatigaat, prins Henriup arsami ilai danskit imartaani siaruaanneqassasut sinnerilu Fredensborg Slotshavep naatsiiviani ilineqassasut. 

Tamanna prins Henriup nammineerluni kissaatigisimavaa.

    /ritzau/