Prins Harryp nuliatalu kunngikkormiusut ataqqinartutut taaguutitik annaagaat
Aappariit kunngikkormiut sinnerlugit suleqataasussaajunnaarnerannik tamanna pissuteqartoq, Tuluit Nunaanni kunngikkormiut nalunaarutigaat. Aappariillu akissarsiatik aamma annaasussanngorpaat.
Prins Harry Meghanilu 2018-imi maajip ulluisa 19-anni katipput.
Allattoq Ritzau
januaarip 18-at 2020 16:44
Tuluit prinsiata Harryp nuliatalu Meghanip kunngikkormiutut ataqqinaatilittut taaguutitik atorsinnaajunnaartussanngorpaat.
Tuluit Nunaanni kunngikkormiut tusagassiuutinut taama nalunaaruteqartut, Reuters allaaserisaqarpoq.
Taamaalillutik prins Harry Meghanilu "kunngikkormiusut ataqqinartutut" taaguuteqarunnaassapput.
Aappariit kunngikkormiut sinnerlugit suleqataasussaajunnaarnerannik tamanna pissuteqartoq, nalunaarutigineqarpoq.
Aammali aappariit kunngikkormiut sinnerlugit sulinerminnut atatillugu akissarsiatik upernaamut annaasussanngorpaat, kunngikkormiummi pisortat akiligaannik akissarsiaqartinneqarput.
Buckingham Palace arfininngornermi nalunaaruteqarpoq.
/ritzau/
