Nuuk: Portørit tallimanngorpat sulinerminnik unitsitsigallarniartut
Tamanna napparsimmavissuarmi portørit arlallit tusagassiuutinut nalunaarutigaat.
Sulianik unitsitsinissaq akissarsiat pillugit SIK-p Namminersorlutik Oqartussallu isumaqatigiinniarnerisa naammaginartinneqannginneranink pissuteqarpoq.
- Ataatsimiinnermi sulinermi atukkat akissarsiallu pillugit isumaqatigiinniarnerit unittooqqanerat qanorlu ingerlariaqqinnissaq oqaluuserissavagut, tusagassiuutinut nalunaarummi allapput.
92 øret ikippallaarput
Hansine Thorin tusagassiuutinut nalunaarummi atsiortut ilaat isumaqarpoq, akissarsiat 92 øremik Naalakkersuisut qaffanneqarnissaannik neqeroorutaat annikippallartoq.
- Ineqarnermut kiassarnermut meeqqerivinnullu akileereeraangatta inuussutissanut atugassat sinneruttut naammanngillat, Hansine Thorin oqarpoq erseqqissaatigaalugulu, portørit sulinerminnik unititsigallarneranni portørit pingasut upalungaarsimallutik sulissasut.
Suliat pillugit ataatsimiinnermi sulianik unitsitsigallarneq tallimanngorpat ullup qeqqanit akunnernik sisamanik sivisussuseqassaaq.
Portørit erseqqissaatigaat sulinermik unititsigallarnissaat, tillidsmandimit inassutigineqanngimmat.
SIK-ip siulittaasuata Jess G. Berthelsenip Namminersorlutik Oqartussanik maanna isumaqatiginniarnerusuni saqqummiuttagaat naammaginagit arlaleriarluni oqaatigisarpaa.
Peqqinnissamut aqutsisoqarfik KNR-imut oqarpoq, uninngasut nakorsiallu sulinermik unitsitsinermik kalluarneqarpallaannginniassammata, aaqqiissutissarsiorlutik.
