Nanortalik: Politiit toqusoqarnera toqutsisoqarneratut misissuiffigigaat

Nanortalimmi Politiit suliami paasiniaanerminni Danmarkimi nakorsat toqusunik misissuisartut aggersarpaat. Politiit toqutsisoqarsimasinnaanera pillugu annerusumik maannakkut paasissutissiisinnaanngillat.

- Toqusoqarneranut atatillugu allanik paasissutissaateqalerutta nutaarsiassanut paasissutissiissaagut, politikommissær, Jack Nathansen KNR-imut oqarpoq.

Niviarsiaq tallimanngornerup arfininngornerullu unnuaani nalunaaqutaq ataatsip missaaniit ullaakkut nalunaaqutaq qulingiluat akornanni toqusimassangatinneqarpoq.

Tamaammat politiit innuttaasunik, aqquserngit Lundip Aqqutaa, Qujanarteq Mathiessenillu Aqqutaani takunnissimasinnaasunik tusaasaqarsimasinnaasunilluunniit attaveqarfigineqarusupput.

Umiarsualiviup nakkutiginninnermi assiliissutai piffissami tassani ajorsimasut oqaatigaat. Taamaammat suliffeqarfiit namminersortut sumiiffimmi tassani nakkutiginninnermi immiussaminnik tunniusseqquneqarput.