Politiit imminut toqunnissamut siorasaarisunut 20-nut orniguttut: - Tamarmik orniguffigivagut

Politiit sulianut imminut toqunnissamut tunngasunut 20-nut sapaatip akunnerata naanerani ornigussimapput. Nakuusernerlu aamma initusimaqaaq. Soorli taama pisoqartiginersoq politiit pigaartuisa eqqumiilliuutigaa.

Allattoq Markus Valentin

maajip 25-at 2025 14:34

Nutserisoq Steve Pedersen Hinrup

Politiit sapaatip akunnerata naanerani ulapissimapput. Suliat nuna tamakkerlugu pisimapput.

Suliat tallimanngornermiit sapaammi nalunaaqutaq arfineq-marluk tungaanut naliginnaanngitsumik amerlasimasut, politiit pigaartuat, Bent Johnsen oqarpoq.

- Suliarujussuusut taasinnaanngilakka, amerlasimappulli. Naluara sooq taama amerlatiginersut. Aningaasarsiffiunngilarmi, taanna oqarpoq.

TUSAANNGA

Tusaannga

Kiserliorpit aamma oqaloqateqarnissannik pisariaqartitsivit?

Kisimiinngilatit. Piffissani inuunermi pisumiluunniit artornartorsiorfimmi, nammineq sapikkaminnik pisoqaraangat, inuit amerlanerpaat tusaaneqarnissartik pisariaqartittarpaat.

Tusarnaarnissamut piffissaqarpugut. Tusaanngap siunnersortai tusarnaartarput, unammilligassavillu oqaasertalernissaanut ikiorsinnaallutit. Aamma illit inuuninni pissutsit artornartut qanoq iliuuseqarfiginissaanut sakkussannik tunisinnaavaatsit.

Oqarasuaatikkut siunnersuisarneq tassaavoq kinaassutsimik isertuussilluni illit siunnersuisullu akornassinni inuttut oqaloqatigiinneq, tassani oqaloqatigiinnerup imaa illit aalajangissavat.

Meeqqat, inuusuttut inersimasullu tamarmik oqaloqateqarnissamik allaqateqarnissamilluunniit pisariaqartitsisut Tusaannga attavigisinnaavaat. Tusaanngamut attaveqarneq kinaassutsimik isertuussisinnaaffiuutigaluni akeqanngilaq – aamma Tusassit imaqanngikkaluarpalluunniit sianersinnaavutit allallutilluunniit.

Telefon: 80 11 80

SMS: 1899

Tigusiffik: Tusaannga

Imminut toqunneq nakuusernerlu

Inunnik sullissinissaq politiinut initusimavoq.

Imminut toqoriarnerit imminulluunniit toqunnissamut siorasaarinerit 20-t sinerissami pisimapput.

- Tamarmik orniguffigivagut, poliit pigaartugat oqarpoq.

Aamma atuarukPaasititsiniaaneq nutaaq imminut toqunnissamik pinaveersaartitsinermik qitiutitsissasoq

Politiit ilaatigut angerlarsimaffinni eqqissiviilliornerit 16-it orniguffigisimavaat - taakkunanilu arfineq-marlunni 18-it inorlugit ukiulinnik ilaasoqarsimavoq.

Nakuusernerit aqqanilliusut politiit nalunaarsorsorsimavaat. Pinngitsaaliilluni atoqateqarnerit marluk misissorneqassapput. Sapaatillu akunnerata naanerani tillinniarnerit tallimaasimallutik.