Polar Seafoodip piginnittuata russinut konsuliujunnaartoq
Polar Seafoodip piginnittua pisortaalu, Miki Jonas Brøns nunatsinni Ruslandimut 2020-mili konsuliulerpoq.
Maannali nunatsinni suliffeqarfiit namminersortut anginerpaartaani piginnittoq konsuliujunnaarniarluni aalajangerpoq.
Det skriver Ekstra Bladet i en artikel torsdag.
Miki Jonas Brønsip konsuliujunnaarneranut nutaarsiassaq sisamanngornermi siulersuisut siulittaasuata, Michael Binzer Ekstra Bladetimut maikkut allagaqarnerani saqqummiunneqarpoq.
- Ilisimatitsissutigissavara Miki Jonas Brøns konsulitut atuukkunnaarluni russit Københavnimi aallartitaqarfianut maanna nalunaaruteqarmat.
- Aalajangiineq tamanna piffissami sivisuumi eqqarsaatigineqarsimavoq, tamannalu Polar Seafood Greenlandimi kinguaariit nikinnerisa ilaani 2023-mi apriilimi naammassineqarpoq. Tassa Miki Jonas Brønsip Bent Friisillu Polar Seafood Greenland akisussaaffigilerpaat.
Tamanna siulersuisut siulittaasuata Ekstra Bladetimut mailikkut allagaani allassimavoq.
Miki Jonas Brønsip isumalluutini Polar Seafoodimut atortariaqaramigit russit konsuliatut atuukkunnaarniarluni aalajangersimasoq Michael Binzerip allakkami tassani oqaatigaa.
Ekstra Bladet naapertorlugu Miki Jonas Brøns aamma Michael Binzer apersorneqarumanngillat, russillu Københavnimi aallartitaqarfianut innersuussillutik.
