Polar Seafood sinneqartooruteqarluartoq
Ilanngaaseereerluni kaaviiaartitat 214 millionit koruuninik amerlipput, 3,32 milliardinngorlutik. Akileraartinnani 2016-imi angusat 912 millionit koruunininngaanniit 2017-imi milliardit inulaarlugit amerlassuseqalerlutik.
AAMMA ATUARUK Polar Seafoodip sinneqartoorutini saqqummiukkai
Kalaallit Nunaanni, Danmarkimi Ruslandimilu pingaartumik angusarissaartoqarnerulersoq, Polar Seafoodimi siulersuisut siulittaasuat Henrik Leth tusagassiuutinut nalunaarummi oqarpoq.
Polar Seafoodip aningaasarpassuarnik inuiaqatigiinnut tunniussaqarsimanera suliffeqarfiit namminersortut nunatsinni annersaata oqaatigaa.
Aningaasammi akileraarutinit A-neersut, sulisoqarnermut tapiissutineersut, raajanit, avaleraasartuunit qaleralinnillu akitsuutineersut tamaasa katillugit 290 millionit koruuniupput, soorlu aamma 2016-imi taama amerlatigisut.
AAMMA ATUARUK Polar Seafood upalungaarsimasunut 100.000 koruuninik tunissuteqartoq
- Tassaavugut kalaallit suliffeqarfiutaat, taamaattumillu tupinnanngitsumik nunatta ataatsimut aningaasaqarneranut tunniussaqaqataasinnaanerput tulluusimaarutigalugu, siulersuisuni siulittaasoq Henrik Leth oqarpoq.
- Suliassaqarfimmi nalorninartorsiorfiusumi sulivigut, taamaattumik ukiuni makkunani kalaallit aalisarnermik inuussutissarsiuteqarneranni angusavut pitsaasut nuannaarutigaavut. Taamaattumik qinikkavut saaffigeqqippavut inuussutissarsiutip angusai naliliiffigeqqeqqullugit, taamaaliornermi nunap aningaasaqarneranut inuiaqatigiillu ineriartornerannut pingaarutaa isiginiarlugu, Polar Seafoodimi siulersuisut siulittaasuat Henrik Leth naggasiilluni oqarpoq.
AAMMA ATUARUK Polar Seafoodip ukiuni 32-ni oqaluttuarisaanerani pisoq ajornerpaaq