Polar Oilip akinik nalimmassaaniarnera akuerineqarnikuunngilaq
Polar Oilip akinik nalimmassaaniarnera Naalakkersuisunit akuerineqarnikuunngilaq, akinillu nalimmassaaniarnermut ilimasaaruteqarnerup tunuartinneqarnissaa, Aningaasaqarnermut Aatsitassanut Nunanullu Allanut Naalakkersuisup piumasaraa, politikkikkullu aalajangertoqarnissaa pillugu nalimmassaaniarnermut ilimasaaruteqarnerup politikkikkut aalajangiivigineqarnissaanut ingerlateqqeqqullugu:
- Polar Oilip taama annikitsigisumik appaaniarnerarluni ilimasaaruteqarnera tupaallaatigalugulu pakatsissutigaara, Aningaasaqarnermut Naalakkersuisoq Vittus Qujaukitsoq tusagassiuutinut nalunaarummi taama ilaatigut allaaserisaqarpoq.
Aalajangernerup inuiaqatigiinnut annertuumik sunniuteqartussaanera eqqarsaatigalugu politikkikkut akuutitsinani aalajangerneqartariaqanngikkaluartoq Vittus Qujaukitsoq isumaqarpoq:
- Nunarsuarmi uuliap akiata nikerarnera eqqarsaatigalugu Polar Oilip akinik nalimmassaaniarluni ilimasaaruteqarnera eqqoqqissaartuunngilaq, Aningaasaqarnermut Aatsitassanut Nunanullu Allanut Naalakkersuisoq erseqqissaavoq, akinillu nalimmassaaniarnermut ilimasaarut tunuarteqqullugu.
