Ilinniarneq

Piumasaqaatit sakkortunerulernerisigut ilinnialersut ikinnerulersut

Ilisimatusarfimmi ilinnialernissamut akuerisaasut ukiut sisamassaa ikileriaateqarput. Bachelorinngorniat 133-t tallimanngormat aallartipput, 2013-imut naleqqiullugit 70-inik ikinnerullutik.
Assi © : Paarnaq Hansen/KNR
Allattoq Anton Gundersen Lihn
septembarip 04-at 2017 09:41
Nutserisoq Mads Lynge

Ilisimatusarfimmi ilinniakkat ilaannut tiguneqarnissamut piumasaqaatit qaffanneqarsimanerat, ilinniartut ikileriarnerannut pissutaaqataasinnaapput.

Ilinniartitsisunngornianut, isumaginninnermut siunnersortinngornianut, peqqissaasunngornianut, oqaasilerinermullu, atuakkialerinermullu tusagassiuutilerinermullu piumasaqaatit ilaatigut qaffanneqarput.

AAMMA ATUARUK Ilisimatusarfiup ilinniarnermut piumasaqaatit sukaterpaat

Ilinniartut ilinniakkaminnik taamaatitsiinnartartut ikilisinneqarnissaat piumasaqaatit annertusineqarnerisigut ilaatigut anguniarneqartoq, Ilisimatusarfiup oqaatigaa.

- Piumasaqaatit qaffanneqarnerat aqqutigalugu ilinniarnerminnik taamaatitsiinnartartut ikilisinniarneqarput. Ilinniakkaminnik naammassinnillutik allagartartaartut siornatigutut iinnarnissaat, amerlisinnaanissaalluunniit, neriuutigaarput, Ilisimatusarfimmi rektoriugallartoq Suzanne Møller, Sermitsiaq.AG-mut oqarpoq.

Ilisimatusarfimmi ilinniarnerminnik naammassinnillutik allagartartaartut ukiut sisamat kingulliit ingerlaneranni ukiumut 70-it missaannit 100-lluunniit sinnilaarlugit amerlassuseqartut, kisitsisit Ilisimatusarfimmeersut takutippaat.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk