Pisortaq: Suliariumannittussarsiuussisoqaqqilli
Pituffimmi kiffartuussinissamik nutaamik isumaqatigiissusiortoqarnissaa anguniarlugu Kalaallit Nunaanni, Danmarkimi USA-milu politikerit iliuuseqartariaqarput, Greenland Contractorsimi pisortaq, Peter Kofoed, KNR-imut oqarpoq.
Aamma atuaruk PITUFFIK GC-p pisortaa: Taava politikerit sulisussanngorput
Suliffeqarfiup Exelis Servicep Pituffimi kittarfuussinissamik isumaqatigiissummut ajugaasimaneranik eqqartuussivimmmi aalajangerneq Greenland Contractorsip pisortaata Peter Kofoedip iluarinngilaa.
- Eqqartuussivimmi taama aalajangertoqarnissaa neriuutiginngikkaluarparput, Peter Kofoed oqarpoq.
Suliap eqqartuussivinni suliassanngorteqqinneqassanersoq suliffeqarfiup suli aalajanginngikkaluaraa eqqartuussivimmi aalajangiineq Peter Kofoedip iluarinngilaa.
Naalakkersuinikkut suliaqartunut pineqartumut akisussaasuusunut niaqorluutaanerusariaqaraluarpoq, Peter Kofoed oqarpoq.
- Inatsisilerinermut tunngasortaanut aalajangiisoqarareeraluartoq, politikkikkut akuliuttoqartariaqarpoq isumaqatigiissutigineqartullu malinneqarlutik, aalajangiinermilu tunngavigineqartut ilai aalajangersarneqarlutik suliariumannittussarsiuussinermillu nutaamik piaartumik neqerooruteqartoqarluni.
Peter Kofoed isumaqarpoq, Pituffimmi kiffartuussinissamut isumaqatigiissutip nutaammik neqeroorutigineqarnissaanut Danmarkimi Kalaallit Nunaanni USA-milu politikerit siorna martsimi isumaqatigiissutigisartik malillugu iluiuuseqartariaqartut.
Aamma atuaruk Pituffik pillugu suliaq aalajangiiffigineqartoq
Danskit nunanut allanut tunngasunut ministeriarata arlaleriarlugu aalajangismallugu oqaatigereernikuussaa, tassalu suliaq USA-mi eqqartuussivimi suliarineqarnera naammassippat iliuuseqartoqarnissamik oqarluni.
Maannalu tassa piffissanngorpoq, Peter Kofoed oqarpoq.
- Taama tunngavilersuineq maanakkut atorsinnaanngilaq.Taamaattumik isumaqarpunga suliaq aallartinneqartariaqartoq erseqqissunillu malittarisassiortoqarneratigut eqqissisimasumik suliarineqarluni.
Greenland Contractors Pituffimmi kiffartuussinissamik isumaqatigiissut 2014-mi annaavaa maannakkullu aamma annaasinnallugu.
- Suliaq tassunga tunngassuteqartoq pillugu toqqissimasumik suliarineqarnisaa kissaatigaara.
Minnerunngitsumik suleqatigut suliap naamaasineqarnissaanut sulisitagut eqqarsaatigalugit, Peter Kofoed oqarpoq.
Uani eqqarsaatigineqarput sulisut tigummiinnarneqarnisaat aamma atorfinititsinissat qaammat ataaseq - marluk pingasulluunniit ajornannginnerusumik ilisimaneqareertarlutik.
Kiffartuussinissamik isumaqatigiissut pillugu danskit nunanut allanut ministeriat Kristian Jensen aamma amerikami oqartussaasut oqaaseqartinneqarsinnaasimanngillat.
Suliffeqarfiit allat marluk kiffartuussinissamik isumaqatigiissummut 2014-mi ajorsartut tassalu Per Aarsleff A/S aamma Copenhagen Arctic A/S oqaaseqartinniarneqarsimagaluarput aamma taakkua iluatsissinnaasimanatik.