Pisassat ikilisut akiliut allanngussanngilaq
Namminersorlutik Oqartussat aamma EU aalisarneq pillugu suleqatigiinnissamik isumaqatigiissutip maanna atuuttup sivitsornissaa isumaqatigiissuteqarput. EUp akiliutai allanngussanngillat taamaattorli aalisakkat pissarsiassat ikilissapput.
EU pisassai ikilissapput saarullinnut, suluppaakkanut, qaleralinnut, nataarnallu. EUp aamma kitaani raajartassai 4.000 tonsiniit 3.400 tons-inut ikilissapput. Akerlianik EUp tunumi raajartassai 7.000 tons-init 7.500 tons-inut amerlissapput, taamatuttaarlu EUp tunumi ammassattassai 55.000 tons-iniit 60.000 tons-inut amerlissallutik.
- Aalisarnissamut periarfissat annikillissapput ilisimatuussutsikkut inassutit tunngavigalughit, EU nalunaarpoq.
Qallunaat aalisartuisa EUp raajartassaasa ammassattassaasalu amerlanersaat nunatta imartaani aalisartarpaat.
Pisassat taakku qallunaat aalisartuinut pingaarutilerujussuupput tassami Europami aalisakkat suliffissuaqarnermi atugassat ikiliartormata.
EU-meersut nunatta imartaani aalisartarnissaannut ukiumut 134 millioner koruuninik landskarsimut isertitsissutaasassaaq.
EU-mi ministerrådip akuersinerata kingornaisumaqatigiissut EU parlamentimi amerlanerussuteqarluartunit akuerineqassasoq ilimagineqarpoq.