Pinnguaatinik aningaasanoornermillu pinngitsuuisinnaanngitsut amerlapput
Nunatsinni pinnguaatinik aningaasanoormillu pinngitsuuisinnaanngitsut ilimagisamit amerlanerupput, tamanna ilisimatuutsikkut misissuinermi naammassineqaqqammersumi paasineqarpoq.
Nunanut avannarlernut sanilliullugit nunatsinni pinnguaatinik aningaasanoornermillu atornerluisartut inuttussuseq malillugu sisamariaammik amerlanerupput Christina Lytken Larsen ilisimatuussutsikkut misissuisoq oqarpoq.
Pinaveersaartitsinermik suliani pinnguaatinik aningaasanoornermillu pinngitsuuisinnanngitsut suliuniutigineqarnissaat kaammaatuutigineqarpoq.
Aningaasanoornermik pinnguaatinillu ajornartorsiuteqartut imigassamik ikiaroornartumillu aamma ajornartorsiuteqartuupput kiisalu meeraanerminnni angerlarsimffimi imigassammik atorluisoqartartoq Christina Lytken Larsenip misissuinerani paasineqarpoq.
Aningaasanoornermik pinnguaatinillu atuinermik pinngitsuuisinnaanngitsut ilai takuneqarsinnaanngillat malugineqarsinnaannaanngillat aamma naamaneqarsinnaanngillat taakkua aningaaserivinni aningaasatitik atorlugit angerlarsimaffimminni qarasaasiat atorlugit pinnguaatinik aningaasanoorutinillu atornerluisuusarput, taamaattumik pinaveersaartitsinermik suliaqarnermi taakkua ilanngunneqartariaqartut Christina Lytken Larsen isumaqarpoq.
Nunatsinni pinnguaatinik aningaasanoornermillu ajornartorsiuteqartut 2005-imiit 2010mut misissuiffigineqarput.
Christina Lytken Viskum Larsen pinnguaatinik aningaasanoormilu ajornartorsiuteqartunut pinaveersaartitsinermik suliaqarnermut kaammaatuuteqarpoq.
Innuttaasut peqqissuunissaannik suliniummut Inuunerittamut ilanngunneqarnissaa kaammattuutigineqarpoq, taamalilluni pinaveersartitsinermik suliaqartut sulinerannut ilanngunneqarluni. Inuunerittap suliniutaani nutaanermi imigassamik ikiaroornartunillu atorluinerit pinaveersaartinneqarnissaannut suliniummi tamanna eqqaaneqarsimasoq, Christina Lytken Larsen oqarpoq. Pinnguaatinik aningasanoornermillu pinngitsuuisinnaanngitsut ilaqutai qanigisaalu eqqugaasarput, taamaattumik atornerluisut sinnilimmik atornerluisunngormata pinaveersaartitsinermi eqqumaffigineqarnissaat ilisimatuussuutsikkut misissuisup Christina Lytken Larsenip eqqaamaqquaa.
Christina Viskum Lytken Larsenip pinnguaatinik ajornartorsiuteqarneq pillugu Ph.d-nngorniutini sisamanngorpat Statens Institut for Sundhed-imi København-imi illersussavaa