Pikkorissartut pissarsilluarput
septembarip 18-at 2006 07:45
Inuit sisamaagaangata ataaseq naggussamigut arlaatigulluunniit anniaateqarluni nakorsiartarpoq.
Tassunga atatillugu ilisimatuussutsikkut paasisat nutaat pillugit sapaatip akunnerata naanerani nakorsat tagiartuisartullu Nuummi pikkorissartinneqarput.
Birthe Eriksen Peqqissaanermik Ilinniarfimmi ilinniartitsisuuvoq, pikkorissartitsinermilu peqataanini ilinniartitaminut imminullu iluaqutaajumaartussatut nalilerpaa:
- Naatsorsuutigaara ilaasimaninni, timikkut sungiusaasutut ilinniarsimaninni, ilisimariikkakka nutaanik nassaarfigissallugit. Aamma peqqissaanermik ilinniarfimi atuartitsisutut sulininni paasisakka ilinniartitsininnut tulluarsariarlugit atorluarsinnaavakka, Peqqissaanermik Ilinniarfimmi ilinniartitsisoq Birthe Eriksen oqarpoq.
