Pikitsitsisut Houthissikkut saassunneqartut

Kangiata kitaaniittumi Yemenimiittumi, USAp tuluillu sakkutuuinit, pikittitsisunut Houthinik taaneqartartunut, tallimanngornerup unnuaani saassussisoqarpoq.

Saassussinermi sumiiffiit eqqorneqartussat, 60-it sinnerlugit amerlassusillit eqqorneqarsimapput, Taama USA-p sakkutooqarnermi timmisartoqarfiat nalunaruteqarpoq.

Saassunneqartut tassaasimapput sakkutooqarnernut attuumassuteqartut, sorsunnermi sakkutooqarnermi aqutsisoqarfik, pilersaarusiorfik, sakkussiaasiviit, sakkussianik aallartitsiviit, sakkussianik pilersuiviit radareqarnermullu atortorissaaruteqarfiit.

Amerikamiut tuluillu saassussinerat, silaannakkut nunakkullu pivoq.

Pikittitsisut Houthit Hizbollah aamma Iranni saassussineq sakkortuumik assuarlerpaat.

Pikittitsisut Kangiata kitaaniittup, Yemenip sineriaa, sineriaa rødehavemut sammisoq atuarluarlugu, umiarsuit assartuutit saassuttaqattaarpaat.

Umiarsuit Hamasimut tapersersuinerarlugit, saassussinermut tunngavilersuutigineqartut ilagivaat

Amerikamiut sakkutooqarnermut qitiusumik aqutsisoqarfiat, Centcom, naapertorlugu, umiarsuit assartuutit ingerlaarfianni, novemeberip ulluisa 19-ianiit, saassussinerit 27-it maannamut pereersimapput.

Umiarsuarnut saassussisaqattaarnerit umiarsuit afrikap nalaatigut uiartuisariaqarnerannik kinguneqarpoq, taamaalilluni nunarsuarmi niuerneq, nukissiuuteqarnikkut, nerisassanut akussat niuerutigineqartartullu allat eqqorneqarput.